உலகில் வேகமாகப் பரவிவரும் மார்க்கம்

உலகில் வேகமாகப் பரவிவரும் மார்க்கம்

- கான் பாகவி

உலக சமயங்கள் மற்றும் பொதுவாழ்வுக்கான ஆய்வு மையம் ‘பியூ’ [PEW] எனும் அமெரிக்க அமைப்பு அண்மையில் மேற்கொண்ட ஆய்வில் பரபரப்பான பல தகவல்கள் வெளியாகியுள்ளன. உலகில் வேகமாகப் பரவி வரும் மார்க்கம் இஸ்லாம் என்கிறது அந்த ஆய்வு.

உலக முஸ்லிம்களின் எண்ணிக்கை 150கோடியைத் தாண்டுகிறது. அதாவது உலக மக்கள் தொகையில் நான்கில் ஒரு பாகம் முஸ்லிம்கள் ஆவர். இவர்களில் சன்னி முஸ்லிம்கள் 140 கோடி. அதே நேரத்தில்,உலக கத்தோலிக்க கிறித்தவர்களின் எண்ணிக்கை 130 கோடி ஆகும்.

பியூ மைய ஆய்வாளர்கள் கடந்த மூன்றாண்டுகளாக 232 நாடுகளிலும் பகுதிகளிலும் மேற்கொண்ட ஆய்வில் இந்தப் புள்ளிவிவரம் கிடைத்தது. ஆயினும்,உண்மையில் உலக முஸ்லிம்களின் எண்ணிக்கை இதைவிட அதிகமாக இருக்கும் என்கிறார் ஆய்வாளர்களில் மூத்தவரான பிரியன் கிரைம். ஏனெனில், இந்த ஆய்வெல்லாம்2009 மக்கட் தொகைக் கணக்கெடுப்பை அடிப்படையாகக் கொண்டது என்கிறார் அவர்.

எடுத்துக்காட்டாக, ஐரோப்பாவில் பத்தாண்டுகளில் முஸ்லிம்களின் எண்ணிக்கையில் மாற்றமில்லை என்கிறது இந்த ஆய்வு. 2001ஆம் ஆண்டு பிரிட்டனில் 16 லட்சமாக இருந்த முஸ்லிம்களின் எண்ணிக்கை 2011லும் அதே அளவில் உள்ளதாக இந்த ஆய்வு காட்டுகிறது. உண்மையில் பிரிட்டனில்25 லட்சம் முஸ்லிம்கள் உள்ளனர்.

அமெரிக்காவில் மட்டும் 80 லட்சம் முஸ்லிம்கள் உள்ளனர். ஆனால், பியோவின் ஆய்வில் 46 லட்சம் என்று குறிப்பிடப்பட்டுள்ளது. சீனா, ரஷியா ஆகிய நாடுகளின் முஸ்லிம்கள் எண்ணிக்கையிலும் இதே நிலை காணப்படுகிறது.

முஸ்லிம்கள் அதிகம் வாழும் பத்து பெரிய நாடுகள் ஆசியாவில்தான் உள்ளன. எகிப்து, அல்ஜீரியா,மெராக்கோ, துருக்கி போன்ற நாடுகளும் இவற்றில் அடங்கும். உலக முஸ்லிம்களில் 20 சதவீதம்பேர் மத்திய கிழக்கு மற்றும் வடஆப்பிரிக்காவில்தான் உள்ளனர். அதாவது உலக முஸ்லிம்களில் ஐவரில் ஒருவர் இந்நாடுகளில் வசிக்கின்றார். 62 விழுக்காடு முஸ்லிம்கள் ஆசிய நாடுகளில் மேற்கே துருக்கி முதல் கிழக்கே இந்தோனேஷியா வரை பரவியுள்ளனர்.

ஆனால், இந்த ஆய்விலிருந்து சில உண்மைகள் வெளிப்பட்டுள்ளன; அவற்றை ஆய்வுக் குழுவால் மறைக்க முடியவில்லை. முஸ்லிம்கள் என்றாலே அரபியர்தான்; அரபியர் என்றாலே முஸ்லிம்கள்தான் என்ற வாதம் தவறு என்பதை இந்த ஆய்வு நிரூபித்துள்ளது. ஆம்! உலக முஸ்லிம்களின் எண்ணிக்கையில் ஒரு சிறு விழுக்காடுதான் மத்திய கிழக்கு நாடுகளான அரபுநாடுகளில் இடம்பெறுகிறது.

உலக முஸ்லிம்களில் ஷியா பிரிவினர் வெறும் 10 விழுக்காடு முதல் 13 விழுக்காடுதான். ஷியா முஸ்லிம்களில் 80 விழுக்காட்டினர் உலகில் ஈரான், பாகிஸ்தான், இந்தியா, இராக் ஆகிய நான்கு நாடுகளில் வசிக்கின்றனர்.

ஆக, இஸ்லாம் உலக மதங்களில் இரண்டாவது பெரிய மார்க்கமாகும். கிறித்தவம் -அதன் அனைத்துப் பிரிவுகளையும் சேர்த்து- உலகின் முதலாவது பெரிய மதமாகும். உலகக் கிறித்தவர்களின் எண்ணிக்கை 202 கோடி ஆகும்.

கடந்த 2010ஆம் ஆண்டு வாடிகன் வெளியிட்ட ஓர் அறிக்கை பின்வருமாறு அங்கலாய்க்கிறது: கத்தோலிக்கத்தை இஸ்லாம் முந்திவிட்டது. 1900ஆம் ஆண்டில் இருபதாம் நூற்றாண்டின் தொடக்கத்தில் முஸ்லிம்கள் உலக மக்கள் தொகையில் 12.3 விழுக்காடு இருந்தனர். அண்மையில் இது இரட்டிப்பாகி உள்ளது. உலக முஸ்லிம்களின் எண்ணிக்கை 11 சதவீதம் உயர்ந்து 23 சதவீதத்தை எட்டிவிட்டது.

இந்த உயர்வு பழைய முஸ்லிம்களின் பெருக்கம் மட்டுமே என்றும் யாரும் கருதினால் அது உண்மைக்குப் புறம்பானது என்பது தெளிவு. வேறு மதத்தார் இஸ்லாத்தில் அதிக எண்ணிக்கையில் இணைந்துள்ளனர் என்பதையே இந்த உயர்வு காட்டுகிறது.

பியூ அமைப்பின் துணை மேலாளர் அலன் கூப்பர்மன் [Alan Cooperman] குறிப்பிடுகிறார்: ஐரோப்பிய முஸ்லிம்களில் பெரும்பாலோர் வெளிநாடுகளிலிருந்து வந்து குடியேறியவர்கள் என்றே பலரும் கருதுகின்றனர். இது மேற்கு ஐரோப்பாவிற்கு வேண்டுமானால் பொருந்தலாம். ஐரோப்பாவின் மற்றப் பகுதிகளான ரஷியா, அல்பானியா, குசோவா ஆகிய நாடுகளில் உள்ள முஸ்லிம்கள் அங்குள்ள பூர்வீகக் குடிகளே. ஆக, ஐரோப்பிய முஸ்லிம்களில் பாதிக்கும் அதிகமானோர் மண்ணின் மைந்தர்கள்தான். மேற்கு ஐரோப்பாவும் இதற்கு விதிவிலக்கு அல்ல.

கூப்பர்மேன் மற்றொரு விஷயத்தையும் தெளிவுபடுத்துகிறார்: சில நாடுகள் பற்றி‘முஸ்லிம் நாடுகள்’ என்ற எண்ணமே யாருக்கும் தோன்றாது. ஆனால், அங்கெல்லாம் முஸ்லிம்கள் பெரிய எண்ணிக்கையில் உள்ளனர். இந்தியா, ரஷியா, சீனா ஆகிய நாடுகள் எடுத்துக்காட்டுகளாகும்.

ஆனால், அவர் குறிப்பிடும் நாடுகளில் இஸ்லாத்தின் அழுத்தமான வேர்கள் பரவியிருப்பதை வரலாறு கூறும். இந்துக்கள் பெரும்பான்மையாக வாழும் இந்தியாவில் 16 கோடியே 61 லட்சம் முஸ்லிம்கள் வசிக்கின்றனர். அதாவது இந்தோனேசியா, பாகிஸ்தான் ஆகிய நாடுகளுக்கு அடுத்தபடியாக முஸ்லிம்கள் அதிகம் வாழும் நாடு இந்தியாதான். பெரிய அரபு நாடாகக் கருதப்படும் எகிப்தில் உள்ள முஸ்லிம்களின் எண்ணிக்கையில் இது இரு மடங்காகும்.

அவ்வாறே, ஜெர்மனில் வாழும் முஸ்லிம்களின் எண்ணிக்கை, லெபனானில் உள்ள முஸ்லிம்களின் எண்ணிக்கையைவிடப் பெரியது. ஜோர்தான், லிபியா ஆகிய இரு நாடுகளின் முஸ்லிம் எண்ணிக்கையைவிட ரஷிய முஸ்லிம்களின் எண்ணிக்கை அதிகம். ஆப்கானிஸ்தான் முஸ்லிம்களின் எண்ணிக்கையைவிட எத்தியோப்பியா முஸ்லிம்களின் எண்ணிக்கை ஒரு மடங்கு அதிகம். சிரியா முஸ்லிம்களைவிட சீன முஸ்லிம்கள் அதிகம்.

சீனாவில் முஸ்லிம்கள் 2.2. கோடிபேர் உள்ளதாக இந்த ஆய்வறிக்கை தெரிவித்தாலும், 5 கோடிபேர் இருக்கலாம் என்கின்றன கணக்கெடுப்புகள். சீனாவிலுள்ள முஸ்லிம்கள் அமைப்பு ஒன்று, சீனாவில் 10கோடி முஸ்லிம்கள் இருப்பதாகக் குறிப்பிடுகின்றது.

சீனாவுக்கும் இஸ்லாத்திற்கும் நீண்டகாலத் தொடர்பு உண்டு. ஹிஜ்ரீ 29ஆம் ஆண்டிலேயே கலீஃபா உஸ்மான் பின் அஃப்பான் (ரலி) அவர்கள் சீனாவுக்கு ஒரு குழுவை அனுப்பினார்கள். நபித்தோழர் சஅத் பின் அபீவக்காஸ் (ரலி) அவர்கள் தலைமையில் சென்ற அக்குழுவினர், அப்போதைய சீனப்பேரரசர்‘வீ’யைச் சந்தித்து இஸ்லாமிய அழைப்பு விடுத்தனர். அவர் இஸ்லாத்தின் கொள்கைகளைக் கேட்டு வியந்துபோனார். அத்துடன் கான்தூனில் ஒரு பள்ளிவாசலை எழுப்புமாறு ஆணையிட்டார். அது 15நூற்றாண்டுகளாக சீனாவில் இஸ்லாத்தை ஒலிபரப்பிக் கொண்டிருக்கிறது.

சோவியத் ஒன்றியம் சிதைந்தபிறகு ரஷியாவில் முஸ்லிம்களின் எண்ணிக்கை 2 கோடி ஆகும். ஆனால், 1.65 கோடி என்கிறது பியூ அறிக்கை. சுமார் 10 லட்சம் முஸ்லிம்கள் தலைநகர் மாஸ்கோவில் மட்டும் வாழ்கின்றனர். கி.பி. ஏழாம் நூற்றாண்டிலேயே ரஷியாவில் இஸ்லாம் அறிமுகமாகிவிட்டது. கி.பி. 642ஆம் ஆண்டில் ஆதர்பீஜானில் முஸ்லிம்களின் ஆதிக்கம் ஏற்பட்டது. 1924 புரட்சிக்குப் பிறகு முஸ்லிம்கள் பகுதிகளில் உரிமைகள் பறிக்கப்பட்டன. வழிபாட்டு உரிமை மறுக்கப்பட்டது. பல பள்ளிவாசல்கள் இடிக்கப்பட்டன.

இஸ்லாமிய நாடுகள் அல்லாத நாடுகளிலும் முஸ்லிம்கள் பெரிய எண்ணிக்கையில் உள்ளனர். எத்தியோப்பியா: 2.8 கோடி (மொத்த மக்களில் 34 விழுக்காடு);தான்ஸானியா: 1.3 கோடி (30 விழுக்காடு);ஐவரிகோஸ்ட்: 80 லட்சம் (37 விழுக்காடு); மொஸம்பிக்: 50 லட்சம் (23 விழுக்காடு); பிலிப்பைன்: 40.7லட்சம் (5%) ஜெர்மன்: 40 லட்சம் (5%).

எல்லாம் சரி! இவ்வளவு பெரிய வலுவான சக்தியை உலக அளவில் ஒருங்கிணைக்க யாருமில்லையே! நமது பலத்தை உலகம் அறிந்துள்ளதா? நமது குரலுக்கு மரியாதை உள்ளதா? ஐக்கிய நாடுகள் சபையில் ‘வீட்டோ’ அதிகாரத்துடன் கூடிய நிரந்தர உறுப்பினர் பதவி பாதுகாப்பு மன்றத்தில் முஸ்லிம்களுக்கு உண்டா? அதில் ஐ.நா.வுக்கு அடுத்து பெரிய அரசு அமைப்பாக விளங்கும், 57 நாடுகளைப் பிரதிநிதித்துவப்படுத்தும் இஸ்லாமிய மாநாட்டு அமைப்புக்கு ஐ.நா.வில் அங்கம் உண்டா?

கண்டங்கள் வாரியாக முஸ்லிம்கள்:

பகுதி	முஸ்லிம் எண்ணிக்கை (மில்லியனில்)	அப்பகுதியில் முஸ்லிம்களின் விழுக்காடு	உலகில் முஸ்லிம் விழுக்காடு
ஆசியா - மத்திய தரை	972.6	24.1%	61.9%
மத்திய கிழக்கு - வட ஆப்பிரிக்கா	315.3	91.2%	20.1%
ஆப்பிரிக்கா (பாலைவனம்)	240.6	30.1%	15.3%
ஐரோப்பா	38.1	5.2%	2.4%
அமெரிக்கா	4.6	0.5%	0.3%
மொத்தம்	1571.2	23%	100%

முஸ்லிம்கள் அதிகம் வாழும் நாடுகள்:

நாடு	முஸ்லிம்களின் எண்ணிக்கை (மில்லியனில்)	நாட்டில் முஸ்லிம்கள் விழுக்காடு
இந்தோனேசியா	203	88.2%
பாகிஸ்தான்	174	96.3%
இந்தியா	161	13.4%
பங்களாதேஷ்	145	89.6%
எகிப்து	79	94.6%
நைஜீரியா	78	50.4%
ஈரான்	74	99.4%
துருக்கி	74	98%
அல்ஜீரியா	34	98%
மொராக்கோ	32	99%

வாருங்கள் எல்லோரும் மேடை போட்டு வாதம் செய்வோம்

முச்சந்தியில் நிற்கவைத்து செருப்பால் அடித்ததது போல் உள்ளது சகோதரரே!

கருத்து சொல்ல வேறு என்ன இருக்கிறது இதில்!

மனது வலிக்கிறது நம் சமுதாயத்தின் நிலை குறித்து!

 

வாருங்கள் எல்லோரும்
மேடை போட்டு வாதம் செய்வோம்.
கபன் செய்யாமல் அடக்கம் செய்வது...
பித்தஅத் ஆ நபி வழியா என்று....

வாருங்கள் எல்லோரும்...
இவர்களுக்காக துஆ செய்வோம்.

"நீங்கள் கருணையுள்ளவர்களாக இருக்கும் வரை விசுவாசிகளாக மாட்டீர்கள் என இறைதூதர் (ஸல்) கூற தோழர்கள், நாமெல்லாரும் கருணையுள்ளவர்களாகவே இருக்கின்றோம் என்றனர். உங்களுக்கிடையில் நீங்கள் கருணையுடன் இருப்பதை நான் கூறவில்லை. பொதுவாகவே கருணையுடன் அனைவரிடமும் இருப்பதையே கூறுகிறேன்" என்றார்கள். (தபரானி)

வாழைத்தண்டின் மருத்துவ குணங்கள்

சிறுநீர் சம்பந்தப்பட்ட நோய்களால் துன்பப்படுகிறவர்களின் எண்ணிக்கை நாளுக்கு நாள் அதிகரித்துக் கொண்டிருக்கிறது. உடலில் உள்ள கழிவுகள் சிறுநீர் மூலம் வெளியேற்றப்படுகின்றது.

சிறுநீரைக் கட்டுப்படுத்துவதாலோ அல்லது நோய் பாதிப்புகளாலோ சிறுநீர் சரிவர உடலை விட்டு வெளியேறாமல் இருக்குமானால் அது பல பிரச்சினைகளைத் தோற்றுவிக்கும்.

சிறுநீரகத்தில் கல் உருவாவது இன்று மிக பரவலாகக் காணப்படும் நோய். அதிக காரமான உணவு, மிகக் குறைவாக நீர் அருந்துதல், வறட்சியான உணவு, மது அருந்தும் பழக்கம், அடிக்கடி சிறுநீரை அடக்குதல் போன்ற காரணங்களால் சிறுநீர் தடைபட்டு சிறுநீரகத்தில் கற்கள் உண்டாகின்றது.

சிறுநீரக கற்களை வெளியேற்ற மருந்துகளும், மருத்துவ முறைகளும் இருந்தாலும் நாம் உட்கொள்ளும் உணவு மூலமும் சிறுநீரக கற்களை வெளியேற்றலாம்.

வாழைத்தண்டுக்கு சிறுநீரக கற்களை வெளியேற்றும் தன்மை உண்டு. வாழைத்தண்டை அடிக்கடி உணவில் சேர்த்துக் கொள்வதால் ஆரம்ப நிலையில் உள்ள கற்களை மிக எளிதாகக் கரைத்து விடலாம். சிறுநீரக கற்கள் உள்ளவர்கள் வாழைத்தண்டை வாரம் மூன்று முறை உணவில் சேர்த்துக் கொள்ளவேண்டும்.

வாழைத்தண்டு நார்ச்சத்து மிக்க உணவாதலால் அதிக உடல் எடையால் அவதிப்படுகிறவர்கள், நீரிழிவு நோயாளிகள், ரத்தத்தில் கொழுப்புச் சத்து அதிகரித்து இருப்பவர்களுக்கு இது மிகச் சிறந்த மருந்து. இது ரத்தத்தை தூய்மை செய்யும் இயல்புடையது.

உடலைக் குளிர்ச்சியடையவைக்கும் தன்மையிருப்பதால் கோடை காலத்திற்கு மிகவும் ஏற்றது. வயிற்றுப் புண்ணைக் குணப்படுத்தும் சக்தி இருக்கிறது.

உடல் எடை குறைய உணவுக் கட்டுப்பாட்டை மேற்கொள்பவர்கள் வாழைத்தண்டை உணவில் அதிகம் சேர்த்துக் கொள்ள வேண்டும்.

யார் தீவிரவாதி ?

இந்தியாவிற்கு பயங்கரவாத தாக்குதல்கள் கடுமையான சர்வதேச‌ பிரச்சனையாக மாறிவருகிறது. துரதிருஷ்டவசமாக சமூக மற்றும் அரசியல் காரணங்களுக்காக பயங்கரவாதிகளின் இலக்காக இந்தியா மாறிவிட்டது என்றே கூறலாம். மும்பை மக்களின் உயிர் இழப்பைக் கண்டு ஒவ்வொரு இந்தியனும் அதிர்ச்சி அடைந்துள்ளான். முஸ்லிம்கள், கிருஸ்தவர்கள், இந்துக்கள் என அனைத்து சமுதாய அப்பாவி மக்களும் இந்த குண்டுவெடிப்பின் போது உயிரிழந்துள்ளனர். இன்னும் அதிகமானோர் படுகாயங்களுடன் உயிருக்காக போராடி வருகின்றனர்.


இதன் மூலம் பயங்கரவாத கூலிப்படைகளாக செயல்பட்டு அப்பாவி பொதுமக்களை கொன்று வரும் இந்தத் தீவிரவாதிகள் தவறான பாதையில் வழி நடத்தப்பட்டவர்கள் என்று உறுதியாக கூறலாம். இத்தகை கொடிய செயல்களில் ஈடுபடுபவர்கள் அப்பாவி பொதுமக்கள் மீது எந்த அனுதாபமோ, மரியாதையோ கொண்டிருக்கவில்லை. இத்தகைய செயல்களில் ஈடுபடும் இந்த பயங்கரவாதிகளுக்கு எந்தவித நியாயமான் கோரிக்கைகளும் கிடையாது, மாறாக ஒரு வரம்பு இல்லாத தன்னிச்சையாக செயல்பட்டு பாதிப்பை ஏற்படுத்தக்கூடியவர்களாக இருக்கின்றனர். உண்மையில் இத்தகைய பயங்கரவாதிகள் எந்த மதத்தையும் சார்ந்தவர்கள் கிடையாது, ஏனென்றால் உலகில் உள்ள எந்த மதமும் ஒருவனுடைய குறிக்கோள் நிறைவேறுவதற்காக அப்பாவி மக்களை கொலை செய்யப்படுவதை அனுமதிக்கவில்லை.

துப்பாக்கி பயிற்சி எடுக்கும் ஆர்.எஸ்.எஸ் ஊழியன். யாரை சுடுவதற்காக இந்த பயிற்சி? பா.ஜ.கவின் கண்களுக்கு இது ஏன் தெரியவில்லை?

எனவே இஸ்லாமிய தீவிரவாதம் என்றும், இந்து தீவிரவாதம் என்றும் ஆதாரமில்லாத அறிக்கைகளை  வெளியிடுவது அர்த்தமற்றதாகும். ஆனால் அடிக்கடி தொலைக்காட்சி சேனல்களில் மத துவேஷம் கொண்ட அரசியல் வாதிகளால் பொறுபற்ற முறையில் "இஸ்லாமிய பயங்கரவாதம்" என்று அடிப்படை ஆதாரம் இல்லாத வகையில் அறிக்கைகள் வெளியிடப்பட்டும் அதன் பின்பும் ஒட்டு மொத்த முஸ்லிம் சமூகத்தின் மீது வெறுப்பை உண்டாக்கும்படியான பேச்சுக்களும் தொடர்ந்து கொண்டிருக்கிறது. இவர்களது இந்த விவாதத்தினால் கவரப்பட்ட சில இளைஞர்கள் மூலை சலவைக்கு ஆளாகி ஒட்டு மொத்த முஸ்லிம் சமூகத்தையும் தீவிரவாதிகளாகவும், தேசத் துரோகிகளாகவும் சித்தரித்து விடுகின்றனர். அப்சல் குரு மற்றும் கசாப்பை பற்றி கருத்துக்களை கேட்கப்படும்போது அவர்கள் இருவரையும் உடனே தூக்கில் போட வேண்டும் என்று கருத்துகூறுகின்றனர், அவர்களுடைய அறியாமைத்தனத்தை நன்கு பயன்படுத்திக்கொண்டு தங்களுக்கு சாதகமான வேலைகளை செய்கின்றனர். அஜ்மல் கசாப்பையும், அப்சல் குருவையும் தூக்கில் போட்டுவிட்டால் இந்தியாவில் தீவிரவாத தாக்குதல்கள் நின்றுவிடுமா? சட்டத்தை நன்கு ஆராயாமல், தீவிர விசாரணை மேற்கொள்ளாமல் குற்றம் சுமத்தப்பட்ட ஒருவரை உடனடியாக மரண தண்டனையை நிறைவேற்றுவதற்கு இந்தியாவில் இராணுவ ஆட்சியா நடைபெற்றுகொண்டிருக்கிறது?

குற்றவாளிகள் சுதந்திரமாக திரிவதும், அப்பாவிகள் சிறைச்சாலையில் வாடுவதும் தொடர்ந்து நடக்கிறது

அரசியல்வாதிகளின் இந்த பொறுப்பற்ற நடத்தைதான் முஸ்லிம் சமூகத்தின் மீது வெறுப்பை ஏற்படுத்தியிருக்கிறது. கேடுகெட்ட அரசியல்வாதிகளின் இந்த அணுகுமுறையால் இதனால் வரை இந்தியாவில் பின்பற்றப்பட்டு வந்த சமூக நல்லிணக்கமும், ஒற்றுமையும் சீரழியும் அபாயம் உள்ளது. அடுத்து இவர்கள் பிரச்சாரம் செய்யும் இன்னொரு கூற்று "காங்கிரஸ் அரசாங்கம் சிறுபான்மை முஸ்லிம்களை திருப்திபடுத்துவதற்காக செயல்பட்டு வருகிறது" என்பதாகும்.
இது ஒரு கேவலமான அறிக்கையாகும் ஏனென்றால், இந்திய முஸ்லிம்களின் சமூக, பொருளாதார, அரசியல் ரீதியான நிலையை ராஜேந்திர சர்ச்சார் கமிட்டி தெளிவாக எடுத்துக்கூறியுள்ளது. முஸ்லிம்கள் இந்தியாவில் இரண்டாந்தார குடிமக்களாக நடத்தப்படுகிறார்கள் என்றும், அவர்களுடைய வாழ்வில் குறிப்பிடும்படியான முன்னேற்றம் எதுவும் இல்லை, எனவே அவர்களுக்கு கல்வி வேலை வாய்ப்பிலும் 10% சதவீதம் இட ஒதுக்கீடு வழங்க வேண்டும் என்று தெரிவித்திருந்தார். காங்கிரஸ் அரசாங்கத்தால் இந்தியாவில் சிறுபான்மை முஸ்லிம்களின் நிலையை கண்டறிவதற்காக ஏற்படுத்தப்பட்டதுதான் சர்சார் கமிட்டி. நீதிபதி ராஜேந்திர சர்ச்சார் கடுமையான ஆய்வுக்கு பிறகு முஸ்லிம்களுக்கு இட ஒதுக்கீடு வழங்கப்படவேண்டும் என்று கூறியும் நாட்டை ஆண்டு கொண்டிருக்கும் காங்கிரஸ் அரசாங்கம் இது வரை இந்த விஷயத்தில் மெத்தன போக்கையே கையாண்டு வருகிறது. இதிலிருந்து காங்கரஸ் அரசாங்கம் முஸ்லிம் சமூகத்தை திருப்திபடுத்துவதற்காக செயல்படவில்லை என்பதை நாம் அறிந்து கொள்ளலாம்.

மும்பை குண்டுவெடிப்பு தொடர்பான விசாரணைகள் முடிவு பெறாத நிலையிலும், உண்மை குற்றவாளிகள் அறியப்படாத நிலையில் பா.ஜ.க அரசியல்வாதிகள் தங்களுடைய மழுங்கிய புத்தியை கொண்டு குண்டுவெடிப்பிற்கு காரணம் இஸ்லாமிய தீவிரவாதிகள் தான் என்றும், சிமி, இந்தியன் முஜாஹீதீன் போன்ற அமைப்புகள் தான் என்றும் உளறி உள்ளனர். காங்கிரஸ் கட்சியின் மூத்த தலைவர் திக் விஜய் சிங் "குறிப்பிட்டு ஒரு மதத்தினர் மீது மட்டும் சந்தேகப்பட்டு விசாரணை நடத்துவது தவறாகும், இந்த குண்டுவெடிப்பு வழக்கின் விசாரணையில் ஆர்.எஸ்.எஸ். போன்ற ஹிந்துத்துவ அமைப்புகளின் மீதும் விசாரணை நடத்த வேண்டும்" என்று கூறியதற்காக மிக கடுமையான் முறையில் விமர்சனத்திற்கு ஆளாக்கப்பட்டார்.

ஆனால் மத துவேஷம் கொண்ட பா.ஜ.கவின் செய்தி தொடர்பாளர்கள் அனைத்து ஆங்கில தொலைக்காட்சிகளிலும் தங்களுடைய செல்வாக்கை பயன்படுத்தி முஸ்லிம்களுக்கு எதிரான தங்களது நச்சுக்கருத்துக்களை வெளியிட்டு வருகிறார்கள். இதன் மூலம் இவர்கள் நாட்டின் ஒற்றுமைய சீர்குழைத்துக்கொண்டிருக்கிறார்கள். தங்கள் கட்சியின் கருத்துக்களை தெரிவிப்பதற்கு அந்த கட்சியின் உறுப்பினராக இருக்கும் ஒரு பெயர் தாங்கி முஸ்லிமான ஷானவாஸ் கானை பயன்படுத்துவதன் மூலம் என்ன கூற வருகிறார்கள் பா.ஜ.கவினர்? இது அவர்களுடைய குறும்புத்தனத்தையல்லவா காட்டுகிறது! இந்துத்துவா பயங்கரவாத குழுக்களின் சூழ்ச்சிகள் பற்றியும் அவர்களுடைய செயல்பாடுகள் பற்றியும் இவர்களுக்கு தெரியாதா? சம்ஜோதா எக்ஸ்பிரஸ் குண்டுவெடிப்பு, மக்கா மஸ்ஜித் குண்டுவெடிப்பு, அஜ்மீர் தர்கா குண்டுவெடிப்பு, மாலேகான் குண்டுவெடிப்பு போன்ற நாசவேலைகளை செய்தது இந்த இந்துத்துவா பயங்கரவாதிகள் தான் என்பது இன்றைக்கு தெள்ளத்தெளிவாக் தெரிந்துள்ளதே! அப்படி இருக்க அவர்களை கண்டிக்கவோ, அல்லது அவர்களுக்கு எதிராக கருத்துக்களை வெளியிடவோ வக்கில்லாத இந்த கேடுகெட்ட பா.ஜ.கவினருக்கு இஸ்லாமிய தீவிரவாதத்தைப்பற்றி பேசுவதற்கு என்ன அருகதை இருக்கிறது? தற்போது இந்தியாவில் இந்து மத பயங்கரவாதிகள் நாசவேலைகளில் ஈடுபடுகின்றனர் என்றும் இந்துத்துவா தீவிரவாதிகளும் இருக்கின்றனர் என்பதும் தெரியவந்துள்ளது.

தீவிரவாத தாக்குதல்களுக்கு எதிராக எஸ்.டி.பி.ஐ டெல்லியில் நடத்திய அமைதிப்போராட்டம்

இன்று இந்தியாவில் எங்கு  குண்டுவெடிப்பு நிகழ்ந்தாலும் அதில் முஸ்லிம்களே முதலில் சந்தேகிக்கப்படுகிறார்கள். ஒவ்வொரு குண்டுவெடிப்பு தாக்குதல்களுக்கு பிறகும் முஸ்லிம்கள் வெகுஜன சமூகத்திலிருந்து சிறிது சிறிதாக தனிமைப்படுத்தப்பட்டு வருகின்றார்கள். பிற சமூக மக்களுடன் ஒற்றுமையுடனும், இணக்கத்துடனும் வாழ்வதற்கு இது மிகப்பெரிய தடையாக உள்ளது. ராஜேந்திர சர்ச்சார் குறிப்பிட்டது போன்று இரண்டாம் தார‌ குடிமக்களாக நடத்தப்படுகிறார்கள். வாடகைக்கு வீடு தேடுவதாக இருந்தாலும், வேலை தேடுவதாக இருந்தாலும், குடியிருப்பு கட்டிடங்கள் வாங்குவதாக இருந்தாலும் சரி மிகவும் சிரமப்பட்டு வருகின்றனர். ஒரு முஸ்லிம் இளைஞர் தாடி வைத்திருந்தால் அவனை இந்த சமூகம் ஒரு வித சந்தேக கண்ணோட்டத்துடனே பார்க்கின்றனர். அவர்களை எந்த நேரத்திலும், எந்த இடத்திலும் விசாரணை நடத்துவதும், பொய் வழக்கு போட்டு கைது செய்வதும் தொடர் கதையாகிப்போனது.
இது போன்ற சூழ்நிலைகளின் போது சமூக வட்டாரத்திலிருந்து முஸ்லிம்கள் தனைமைப்படுத்தப்படுகின்ற்னர்.


எத்துனையோ முஸ்லிம் இளைஞர்களுக்கு ஜாமீன் வழங்கப்படாமல் பல ஆண்டுகாலமாக விசாரணைக்கைதிகளாகவே சிறைச்சாலைகளில் வாழ் நாளை கழித்து வருகின்றனர். இந்திய நீதிமன்றங்களில் ஆமை வேக விசாரணையால் இவ்வாறு சிறைவாசம் அனுபவிக்க வேண்டிய சூழ்நிலை ஏற்பட்டுள்ளது. எத்தனையோ இளைஞர்கள் தங்களது கல்வியை தொடர முடியாமல் வாழ்கையை இழந்து நிற்கின்றனர். இப்படி செய்யாத குற்றத்திற்காக சிறைவாசகம் அனுபவிக்கு அப்பாவி முஸ்லிம் இளைஞர்கள் ஒருபோதும் தீவிரவாதத்தின் நிழலை கூட நெருங்கமாட்டார்கள்.

ஒவ்வொரு தடவையும் ஏதாவது குண்டுவெடிப்பு சம்பவம் நிகழ்த்தப்பட்டால் முஸ்லிம் சமூகமும், முஸ்லிம் இயக்கங்களும் கண்டனம் தெரிவிக்க வேண்டியதோடு மட்டுமின்றி, முஸ்லிம்களுக்கும் இந்த தாக்குதல்களுக்கும் எந்த சம்பந்தமும் இல்லை என்று நிரூபிக்க வேண்டிய கட்டாய சூழ்நிலை ஏற்பட்டு வருகிறது. எப்போது முஸ்லிம்கள் நம்பப்படுவார்கள் என்பது தெரியவில்லை.

முஸ்லிம் சமூகத்தின் பெரும்பாலான மக்கள் இதை பற்றி வாய்திற்பபதில்லை, காரணம் அவர்களும் இந்த குண்டுவெடிப்பை நிகழ்த்தியவர்கள் முஸ்லிம்களாகத்தான் இருக்கக்கூடும் என்று நம்புகின்றனர், அந்த அளவிற்கு ஒரு பொய் மீண்டும் மீண்டும் கூறப்பட்டு உண்மையாகிப்போகிறது. இதனால் ஒரு முஸ்லிம் அநியாயமாக பொய் வழக்கு போடப்பட்டு கைது செய்யப்பட்டால் அவனுக்காக குரல் கொடுக்க முஸ்லிம் சமூகத்திலேயே பலருக்கு தயக்கம் இருக்கிறது.
நடுநிலையான இந்துக்களும் இதனை நன்கு உணர்ந்து கொள்ள வேண்டும். சங்கபர்வாரங்களின் இந்த தீய பிரச்சாரத்திற்கு அவர்கள் கட்டுப்பட்டுவிடக்கூடாது. இந்த நாட்டில் எந்த பகுதியில் குண்டுவெடிப்பு நிகழ்ந்தாலும், எந்த சமுதாயத்தைச்சேர்ந்தவர்கள் கொல்லப்பட்டாலும் அது ஒட்டு மொத்த இந்திய தேசத்திற்கு ஏற்பட்ட பேரிழப்பே ஆகும்.
அதே போன்று எதற்கெடுத்தாலும் உள்துறை அமைச்சருக்கு எதிராக கண்டனம் தெரிவிப்பதும், ஆளும் கட்சியினை கண்டிப்பதும் தேவையில்லாததாகும். இத்தகைய தீவிரவாத தாக்குதல்களை முறியடிப்பதற்காக அரசு எடுக்கும் முயற்சிகளுக்கு நாம் முழு ஒத்துழைப்பு அளிக்க வேண்டும். சந்தேகத்திற்கு இடமான எந்த வேலை நடப்பதாக தெரிந்தாலோ உடனே காவல்துறையினருக்கு தெரிவிக்க வேண்டும்.  "தான் உண்டு தன் வேலை உண்டு" என்று இருப்பதால் தான் இந்தியாவில் இத்தனை அசம்பாவித சம்பவங்கள் நிகழ்ந்துள்ளன. நூற்றி இருபது கோடி மக்களை உள்துறை அமைச்சராலோ, அரசாங்கத்தினாலோ அல்லது  காவல்துறை அதிகாரிகள் மட்டும் சேர்ந்து பாதுகாத்துவிட முடியாது. ஆளும் கட்சியினை குற்றம் சுமத்துவதிலேயே மும்முரமாக செயல்பட்டு வரும் பா.ஜ.கவினர் மீண்டும் தாங்கள் ஆட்சிக்கு வந்தால் இத்தகையை குண்டுவெடிப்புகள் நிகழாது என்பதற்கு அவர்களால் உத்திரவாதம் தர முடியுமா?
காங்கிரஸ் ஆட்சியின் போது ஐம்பது குண்டுவெடிப்புகள் நிகழ்ந்தால், பா.ஜ.க ஆட்சியின் போது நூறு குண்டு வெடிப்புகள் நிகழ்த்தப்படுகிறது. எனவே பசுத்தோல் போர்த்திய புலியாக செயல்பட்டு வரும் பா.ஜ.கவினருக்கு இனி வாழ்க்கை இல்லை என்பது தெள்ளத்தெளிவாகிறது.

RSS வெடிக்குண்டு தொழிற்சாலைகளை உருவாக்குகிறது-திக்விஜய் சிங்

உஜ்ஜயின்:ஆர்.எஸ்.எஸ் இந்தியாவில் பயங்கரவாதத்தை வளர்த்தி வெடிக்குண்டு தொழிற்சாலைகளை உருவாக்குவதாக காங்கிரஸ் கட்சியின் பொதுச்செயலாளர் திக்விஜய்சிங் தெரிவித்துள்ளார். மும்பை குண்டுவெடிப்பு வழக்கில் ஹிந்துத்துவ பயங்கரவாத அமைப்புகள் உள்பட அனைத்து தீவிரவாத அமைப்புகளின் தொடர்பை விசாரிக்கவேண்டும் என்ற நிலைப்பாட்டில் தான் உறுதியாக இருப்பதாக திக்விஜய்சிங் தெரிவித்துள்ளார்.

மும்பை குண்டுவெடிப்பு வழக்கில் ஆர்.எஸ்.எஸ்ஸின் பங்கை நிராகரிக்க இயலாது என்ற தனது முந்தைய அறிக்கைக்குறித்து பத்திரிகையாளர்களின் கேள்விக்கு பதிலளித்தார் அவர். பயங்கரவாத செயல்களில் சங்க்பரிவாரத்தின் பங்கினைக்குறித்த ஆதாரம் தன் வசம் உள்ளதாக சிங் தெரிவித்தார்.

திக்விஜய்சிங்கின் அறிக்கை குறித்து பா.ஜ.க உள்ளிட்ட சங்க்பரிவார அமைப்புகள் எதிர்ப்பு தெரிவித்ததை தொடர்ந்து திக்விஜய்சிங் ஆர்.எஸ்.எஸ் மீதான தாக்குதலை தீவிரப்படுத்தியுள்ளார்.